اسلام آباد (نیشنل ٹائمز) فیڈرل پبلک سروس کمیشن کی جانب سے سی ایس ایس 2025 کے نتائج کا اعلان کر دیا گیا ہے، جس میں کامیابی کی شرح صرف 2.67 فیصد رہی۔ مجموعی طور پر 12792 امیدواروں میں سے صرف 355 نے تحریری امتحان پاس کیا۔

ایف پی ایس سی نے 170 امیدواروں کی تقرری کی سفارش کی ہے، جن میں 84 مرد اور 86 خواتین شامل ہیں۔ پہلی پوزیشن اسد رفیق، دوسری محمد محسن جبکہ تیسری پوزیشن طارق حفیظ نے حاصل کی۔

ٹاپ 30 پوزیشن ہولڈرز کو پاکستان ایڈمنسٹریٹو سروس اور پولیس سروس میں ایلوکیشن دی گئی، جبکہ کسی بھی امیدوار کو فارن سروس میں جگہ نہ مل سکی۔

علاقائی نمائندگی کے لحاظ سے ٹاپ 30 میں 23 امیدوار پنجاب، 2 سندھ، 2 خیبرپختونخوا اور 3 بلوچستان سے تعلق رکھتے ہیں۔