ممبئی (نیشنل ٹائمز) بالی ووڈ کی سپر اسٹار جوڑی دیپیکا پڈوکون اور رنویر سنگھ نے دوسری بار والدین بننے کے اعلان کے بعد پہلی مرتبہ عوامی سطح پر ایک ساتھ جلوہ گر ہو کر مداحوں کی توجہ سمیٹ لی۔رپورٹس کے مطابق دونوں ستاروں کو گزشتہ روز ممبئی ایئرپورٹ پر دیکھا گیا، جہاں یہ جوڑی حمل کی خوشخبری منظر عام پر آنے کے بعد پہلی بار میڈیا کی نظروں میں آئی۔چند روز قبل دونوں نے سوشل میڈیا پر مشترکہ پوسٹ کے ذریعے اپنی دوسری اولاد کی آمد کی خوشخبری شیئر کی تھی، جسے مداحوں نے بے حد پسند کیا۔ رنویر کو دیپیکا کا خاص خیال رکھتے ہوئے گاڑی سے اترنے میں مدد دیتے اور ان کے ساتھ قریب رہتے دیکھا گیا۔