اسلام آباد(نیشنل ٹائمز) وزیراعظم شہباز شریف سے گورنر سندھ نہال ہاشمی کی ملاقات ہوئی۔
گورنر سندھ نہال ہاشمی نے امریکا اور ایران کے درمیان جنگ بندی اور علاقائی امن کی جاری کوششوں پر وزیراعظم کو خراج تحسین پیش کیا اور نیک خواہشات کا اظہار کیا، گورنر سندھ نے وزیراعظم کو سندھ کے امور کے حوالے سے آگاہ کیا۔نہال ہاشمی کی نائب وزیراعظم اسحاق ڈار سے بھی ملاقات ہوئی، گورننس، معاشی ترقی اور عوامی فلاح کے امور پر تبادلہ خیال کیا گیا، اسحاق ڈار نے نہال ہاشمی کو مبارکباد دی، کامیاب مدت کار کیلئے نیک خواہشات کا اظہار کیا۔وفاقی حکومت نے صوبوں میں ترقی و پیشرفت کیلئے مکمل تعاون جاری رکھنے کے عزم کا اعادہ کیا۔