صوفیہ (شِنہوا) بلغاریہ کے خلائی ماہرین نے صوفیہ میں بلغارین اکیڈمی آف سائنسز کے خلائی تحقیق و ٹیکنالوجی کے ادارے (ایس آر ٹی آئی-بی اے ایس) میں منعقدہ ایک تقریب کے دوران چین کے ساتھ اپنے بڑھتے ہوئی تعاون پر زور دیا۔
ایس آر ٹی آئی-بی اے ایس کے ڈائریکٹر جیورجی جیلیو اور ادارے کے قائم مقام سائنسی سیکرٹری جیورجی سوتیروف نے انسانی خلائی پرواز کے عالمی دن کے موقع پر منعقدہ اوپن ڈے تقریب میں شرکت کی۔
جیلیو نے کہا کہ یورپی خلائی ادارے اور ناسا کے ساتھ کام کرنے کے علاوہ ادارے کے چینی سائنسی تنظیموں کے ساتھ بھی اشتراک ہے جن میں چاند پر اڈے تعمیر کرنے کی منصوبہ بندی بھی شامل ہے۔
سوتیروف نے بتایا کہ 2013 میں ایس آر ٹی آئی-بی اے ایس اور چین کے جنوبی صوبے ژےجیانگ کے شہر ننگبو میں ایک ادارے کے درمیان تعاون کی ایک یادداشت پر دستخط کئے گئے تھے۔ اس کے بعد ادارہ شہری ماحول میں بغیر پائلٹ فضائی گاڑیوں کے استعمال کے امکانات پر تحقیق میں حصہ لے رہا ہے۔
سوتیروف نے کہا کہ اس سے چین کی قومی خلائی انتظامیہ کے ساتھ بہتر تعاون کی راہ بھی ہموار ہوئی۔
سوتیروف نے مزید کہا کہ ایس آر ٹی آئی-بی اے ایس نے چین کی قومی خلائی انتظامیہ کے ساتھ مشترکہ منصوبوں میں شرکت کے لئے ایک معاہدے پر دستخط کئے ہیں اور چائنیز اکیڈمی آف سائنسز کی خلائی تحقیق کے ساتھ بھی تعاون کر رہا ہے۔
سوتیروف کے مطابق ادارے میں چینی خلائی سٹیشن تیان گونگ خلائی سٹیشن کا ایک ماڈل بھی نمائش کے لئے رکھا گیا ہے۔