بیجنگ (شِنہوا) چینی صدر شی جن پھنگ نے ملک کی اہم سٹریٹجک ضروریات پر توجہ مرکوز کرنے اور تعلیم، سائنس و ٹیکنالوجی اور ٹیلنٹ کے شعبوں میں چین کی قوت مزید آگے بڑھانے کے لئے نئی خدمات انجام دینے پر زور دیا ہے۔
کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے ان خیالات کا اظہار شنگھائی جیاؤ تونگ یونیورسٹی، شی آن جیاؤ تونگ یونیورسٹی، ساؤتھ ویسٹ جیاؤ تونگ یونیورسٹی اور بیجنگ جیاؤ تونگ یونیورسٹی کے اساتذہ اور طلبہ کے نام ایک جوابی خط میں کیا۔
خط میں صدر شی نے اس بات کا ذکر کیا کہ یہ چاروں یونیورسٹیاں اپنی مشترکہ بنیادوں سے جڑی ہوئی ہیں اور رواں سال مشترکہ طور پر اپنی 130 ویں سالگرہ منا رہی ہیں۔ انہوں نے ان چاروں یونیورسٹیوں کے تمام اساتذہ، طلبہ اور سابق طلبہ کو مبارکباد پیش کی۔
شی نے خود مختار سائنسی و تکنیکی اختراع اور باصلاحیت افرادی قوت کی تربیت کو مضبوط بنانے کی اہمیت پر زور دیا اور صنعتوں، یونیورسٹیوں اور تحقیقی اداروں کے درمیان قریبی تعاون کو فروغ دے کر مزید پیش رفت حاصل کرنے کی تاکید کی۔