اسلام آباد (نیشنل ٹائمز) پاکستان کے تین ٹیلی کام آپریٹرز کو فائیو جی اسپیکٹرم کے لائسنس جاری کر دیے گئے ہیں۔

وزیر اعظم شہباز شریف نے تقریب سے خطاب کرتے ہوئے فائیو جی اسپیکٹرم کی نیلامی کو سراہا اور اسے جدید دور کا ایک اہم اور انقلابی قدم قرار دیا۔

ان کا کہنا تھا کہ جدید ٹیکنالوجی کا فروغ صنعت، زراعت اور آئی ٹی سیکٹر میں سنگ میل ثابت ہوگا اور حکومت ملک کے ہر کونے، گاؤں اور دیہات تک ٹیکنالوجی کی رسائی یقینی بنائے گی۔

وزیر اعظم نے کہا کہ فائیو جی اسپیکٹرم کے لائسنس کی نیلامی شفاف طریقے سے مکمل کی گئی۔

انہوں نے مزید کہا کہ فائیو جی سے متعلق درپیش قانونی چیلنجز کو کامیابی سے حل کیا گیا اور اس سلسلے میں پوری ٹیم کی کاوشیں قابل تعریف ہیں، جبکہ اعظم نذیر تارڑ نے قانونی امور میں اہم کردار ادا کیا۔