طرابلس (شِنہوا) لیبیا کے سابق رہنما معمر قذافی کے بیٹے سیف الاسلام قذافی مغربی لیبیا میں ایک مسلح حملے میں جاں بحق ہوگئے۔
سیف الاسلام قذافی کی سیاسی ٹیم کے رکن عبداللہ عثمان عبد الرحیم نے فیس بک پر اس خبر کا اعلان کرتے ہوئے بتایا کہ چار نقاب پوش مسلح افراد نے زنتان شہر میں دوپہر کے وقت قذافی کی رہائش گاہ پر دھاوا بول کر ایک “غدارانہ کارروائی” کی۔ رپورٹ کے مطابق حملہ آوروں نے پہلے نگرانی کے کیمرے ناکارہ بنائے جس کے بعد براہ راست مسلح جھڑپ ہوئی جس کے دوران وہ جاں بحق ہوگئے۔
سیاسی ٹیم نے لیبیا کی عدلیہ اور عالمی برادری سے مطالبہ کیا ہے کہ اس “جرم” کی تحقیقات کی جائیں اور حملے میں ملوث افراد کے ساتھ ساتھ اس کے “منصوبہ سازوں” کی بھی نشاندہی کی جائے۔ تاہم طرابلس اور زنتان کے حکام نے تاحال اس واقعے کی تفصیلات کی تصدیق نہیں کی ہے۔
2011 میں نیٹو کی حمایت سے ہونے والی بغاوت میں معمر قذافی کی حکومت کا خاتمہ ہونے کے بعد سیف الاسلام قذافی لیبیا میں ایک اہم اور متنازع شخصیت کے طور پر موجود رہے۔
معمر قذافی کا بیٹا لیبیا میں قاتلانہ حملے میں جاں بحق
