بیجنگ (شِنہوا) چین نے اپنے پہلے خلائی تحقیقی سکول کا افتتاح کر دیا ہے تاکہ ایئرو سپیس کے شعبے میں صف اول کے مزید باصلاحیت ماہرین تیار کئے جا سکیں۔
یونیورسٹی آف چائنیز اکیڈمی آف سائنسز (یو سی اے ایس) کے زیرِ اہتمام قائم کردہ یہ سکول ستاروں کے درمیان سفر کی حرکی ٹیکنالوجی، گہرے خلا میں مواصلات و نیویگیشن اور خلائی سائنس جیسے جدید ترین شعبوں پر توجہ مرکوز کرے گا جس کا مقصد فوری طور پر مطلوبہ بین الشعبہ جاتی ماہرین کی تربیت کرنا ہے۔
چائنیز اکیڈمی آف سائنسز (سی اے ایس) کے رکن اور سکول کے ڈین ژو جون چھیانگ نے کہا کہ اس سکول کا مقصد بنیادی خلائی تحقیق کے لئے ایک اہم بنیاد بننا ہے تاکہ بڑے قومی منصوبوں کو مدد مل سکے اور ایسے اعلیٰ سطح کے ٹیلنٹ کی تیاری کا مرکز بنے جو نئی دریافتیں کرنے کی صلاحیت رکھتے ہوں اور ایک ایسا بین الاقوامی تعلیمی مرکز بنے جہاں چین ٹھوس کامیابیوں کے ذریعے اپنی مہارت دوسروں کے ساتھ بانٹ سکے۔
نئے سکول کا قیام یو سی اے ایس کی جانب سے تعلیم، سائنس، ٹیکنالوجی اور ٹیلنٹ کی مربوط ترقی کو فروغ دینے اور خصوصی پیشہ ور ماہرین کی شدید کمی کو دور کرنے کے لئے ایک اہم قدم ہے۔