واشنگٹن(نیشنل ٹائمز) امریکی صدر ڈونلڈ ٹرمپ نے چین سے تجارتی معاملات ختم کرنے پر غور شروع کر دیا۔
خبر ایجنسی کے مطباق امریکی صدر ڈونلڈ ٹرمپ نے چین کی جانب سے سویا بین کی خریداری بند کرنے کے بعد بڑا فیصلہ کر لیا ہے۔ٹرمپ کا کہنا ہے کہ چین نے دانستہ طور پر سویا بین خریدنا بند کیا، ٹرمپ نے اس اقدام کو معیشت دشمنی قرار دیا ہے۔امریکی صدر نے اپنے بیان میں کہا کہ چین کے اس رویے کی وجہ سے امریکی کسانوں کو مشکلات کا سامنا کرنا پڑ رہا ہے۔ٹرمپ کا کہنا ہے کہ امریکا چین کے ساتھ کوکنگ آئل سمیت دیگر تجارتی معاملات ختم کرنے پر غور کر رہا ہے۔امریکی صدر نے کہا کہ ہم آسانی سے اپنا کوکنگ آئل خود تیار کر سکتے ہیں، چین سے خریدنے کی ضرورت نہیں۔