انٹرنیشنل ڈیسک(نیشنل ٹامز)بھارت نے ائیر انڈیا کے حادثے میں جاں بحق افراد کی باقیات کی غلط شناخت کی اور برطانیہ میں لواحقین کو غلط لاشوں کی باقیات بھیج دیں۔
احمد آباد طیارہ حادثے میں ہلاک افراد کی باقیات کی غلط شناخت کی رپورٹ سامنے آئی ہے جس کے مطابق حادثے میں ہلاک ہونے والے افراد کی برطانیہ میں ان کے لواحقین کو غلط لاشوں کی باقیات بھیجی گئیں۔برطانوی میڈیا کے مطابق برطانیہ میں جب ان کے پیاروں کے تابوت واپس آئے تو ان میں اجنبی مسافروں کی باقیات موجود تھیں۔رپورٹ کے مطابق مرنے والوں کی شناخت غلط طور پر کی گئی تھی اور ان کے اہل خانہ کو ان کے اصل پیاروں کے بجائے کسی اور کی لاشیں بھیج دی گئیں۔بھارت کی جانب سے ایک ہلاک خاتون کی لاش کی بجائے کسی اورکی لاش برطانیہ پہنچائی گئی ۔خاتون کے بیٹے متن پٹیل کے مطابق تابوت میں لاش اس کی والدہ کی نہیں ،طیارہ حادثے میں متن پٹیل کے والد اور والدہ ہلاک ہوئے تھے ۔اس سنگین معاملے پر لندن اور بھارت میں اعلیٰ سطحی تحقیقات جاری ہیں۔یاد رہے کہ 12 جون کو احمد آباد سے لندن جانیوالا ائیر انڈیا کا طیارہ اڑان بھرتے ہی گرکرتباہ ہوگیا تھا۔ طیارے میں سوار 242 میں سے 241 مسافر ہلاک ہوگئے تھے جن میں 53 برطانوی شہری تھے۔صرف ایک برٹش انڈین مسافر زندہ بچا تھا جو کہ 11 اےسیٹ پر سوار تھا۔طیارہ میڈیکل کالج عمارت پر گرنے سے مزید 19 افراد بھی مارے گئے تھے۔