اسلام آباد (نیشنل ٹائمز)بھارتی میڈیا کے مطابق بھارت کی جانب سے پاکستانیوں کو 16 کیٹیگریز میں ویزا جاری کیے جاتے ہیں جن میں سے 2 کیٹیگریز کی میعاد بلامذہبی تفریق منگل کے بعد بھی برقرار رہے گی۔ دوسری جانب پہلگام واقعہ کے بعد حریت پسندوں کے گھر اسرائیلی کی طرز پر گرائے جانے کا سلسلہ بھی بھارت کو بند کرنا پڑگیا۔مقبوضہ کشمیر کی حکمران جماعت نیشنل کانفرنس سمیت دیگر علاقائی جماعتوں کے شدید احتجاج اور وادی بھر میں بھارتی حکومت کے خلاف کشمیریوں کی بغاوت کا خدشہ ہونے کے سبب حریت پسندوں کے گھر گرانے کا عمل پیر کو روک دیا گیا ہے۔تاہم حریت پسندوں کے عزیز و اقارب کو گرفتارکرنے کی کارروائیاں بڑھا دی گئی ہیں۔