غزہ (نیشنل ٹائمز) غزہ میں غذائی قلت سے بچوں کی اموات کی تعداد 37ہوگئی جبکہ عالمی تنظیم سیو دی چلڈرن نے جنوبی غزہ میں غذائی قلت کے باعث ایک اور فلسطینی بچے کی موت کے بعد قحط جیسی صورتحال سے خبردار کر دیا۔دوسری جانب یہودی قیدیوں کے اہلخانہ کی جانب سے اسرائیلی وزیرِ اعظم نیتن یاہو پر دبا ئوبڑھتا جا رہا ہے کہ وہ امریکی صدر بائیڈن کی جنگ بندی کی تجویز کو قبول کریں۔ادھر انتہائی دائیں بازو کے وزرا نے دھمکی دی ہے کہ اگر نیتن یاہو جنگ بندی کا معاہدہ قبول کرتے ہیں تو وہ ان کی حکومت کو گرا دیں گے۔امریکی سینٹ کام نے بحیرہ احمر میں امریکی ڈسٹرائر کو نشانہ بنانے والے حوثی میزائل حملے کو ناکام بنانے کا دعوی کیا ہے۔غیر ملکی میڈیا کے مطابق اسرائیل نے عالمی عدالت کے حکم اور بین الاقوامی دبا ئوکے باوجود غزہ میں معصوم فلسطینیوں پر حملے کرنے کا سلسلہ جاری رکھا ہوا ہے۔
غزہ میں غذائی قلت سے بچوں کی اموات کی تعداد 37ہوگئی
