اسلام آباد،کراچی (نیشنل ٹائمز )سٹیٹ بینک آف پاکستان نے آج یوم تکبیر کے موقع پر چھٹی کا اعلان کر دیا۔وزیر اعظم شہباز شریف کی جانب سے 28مئی یوم تکبیر کے موقع پر عام تعطیل کا اعلان کیا گیا ہے اور اس حوالے سے کابینہ ڈویژن کی جانب سے نوٹیفکیشن بھی جاری کردیا گیا ۔ عام تعطیل کے نوٹیفکیشن کے بعد سٹیٹ بینک نے بھی آج (منگل کو)چھٹی کا اعلان کر دیا ہے۔سٹیٹ بینک کی جانب سے جاری اعلامیہ کے مطابق آج بینکنگ سروسز کارپوریشن اور ملک بھر میں ذیلی دفاتر میں چھٹی ہوگی اور عام تعطیل کے باعث ملک بھر میں بینکوں کی برانچیں بھی بند رہیں گی۔اعلامیہ کے مطابق عام تعطیل کے باعث پاکستان اسٹاک ایکسچینج بھی بند رہے گی۔