کراچی (نیشنل ٹائمز )انٹر بینک مارکیٹ میں ڈالر کی قیمت میں معمولی کمی دیکھنے میں آئی ہے جبکہ سٹاک مارکیٹ میں کاروبار کے آغاز کے بعد تیزی سے اتار اور پھر چڑھاؤ دیکھنے میں آ یاہے ۔
تفصیلات کے مطابق انٹر بینک مارکیٹ میں ڈالر3 پیسے سستا ہو نے کے بعد 277.90 روپے کا ہو گیاہے ۔ دوسری جانب سٹاک مارکیٹ میں آج کاروبار کے دوران تیزی سے اتار چڑھا ؤد یکھنے میں آیا،مارکیٹ میں شیئر ز کا لین دین شروع ہوا توہنڈرڈ انڈیکس 70 ہزار 314 پوائنٹس پر تھا جس میں کچھ ہی دیر میں163 پوائنٹس کی کمی ہوئی اور انڈیکس 70 ہزار 151 پوائنٹس پر آ گیا لیکن چند ہی منٹوں کے بعد مارکیٹ میں ایک مرتبہ پھر تیزی دیکھنے کو ملی اور انڈیکس 189 پوائنٹس اضافے کے بعد 70 ہزار 504 پوائنٹس کی سطح پر پہنچ گیا لیکن یہ تیزی اسی طرح برقرار نہ رہ سکی ۔ اس وقت 100 انڈیکس 51 پوائنٹس کے اضافے کے ساتھ 70 ہزار 366 پوائنٹس کی سطح پر ہے ۔