اسلام آباد(نیشنل ٹائمز)اسٹاک ایکسچینج میں کاروبار کے مسلسل تیسرے منفی دن 100 انڈیکس 4795 پوائنٹس کم ہوکر ایک لاکھ 6 ہزار 274 پوائنٹس پر بند ہوا۔کاروباری دن میں 100 انڈیکس 5 ہزار 807 پوائنٹس کے بینڈ میں رہا جبکہ انڈیکس کی آج کم ترین سطح ایک لاکھ 5 ہزار 937 رہی۔بازار میں آج 1.16ارب شیئرز کے سودے 56 ارب روپے میں طے ہوئے جبکہ مارکیٹ کیپٹلائزیشن 541 ارب روپے کم ہوکر 13 ہزار 603 ارب روپے ہے۔گزشتہ 3 روز میں انڈیکس 9 ہزار 894 پوائنٹس گرا ہے جبکہ مارکیٹ کیپٹلائزیشن ایک ہزار 208 ارب روپے کم ہوئی ہے۔