اسلام آباد (نیشنل ٹائمز) ملک میں سولر پینلز کی قیمتوں میں مزید کمی واقع ہوگئی۔ تفصیل کے مطابق جو سولرپلیٹ 50، 60 ہزار میں ملتی تھی اب وہ 20، 21 ہزار میں مل رہی ہے ،سولر پینلز کا ریٹ 100 فیصد سے بھی نیچے گرگیا ہے۔مارکیٹ میں اس وقت چائنہ کی سولر پلیٹس فروخت ہورہی ہیں ، جن میں بھی اے بی سی گریڈ ہیں،سب سے اچھی سولر پلیٹ کا ریٹ 21 ہزار ہے جو ماضی میں 50 ہزار سے زائد میں فروخت ہوتی رہی ہے۔ دن کے وقت سولر پر 4 پنکھے اور 4 لائٹس چلانے کیلئے سولر پلیٹس کاخرچہ 50 سے 60 ہزار روپے آتا ہے ، اس سے پہلے یہی سولر پلیٹس ایک لاکھ 25 ہزار میں دستیاب تھیں۔ دن میں اے سی چلانے کیلئے کم از کم خرچہ 2 لاکھ روپے کا ہے ، اس کیلئے 6 سولر پلیٹس کی ضرورت ہوگی۔