اسلام آباد(نیشنل ٹائمز)چیف جسٹس پاکستان جسٹس عمر عطا بندیال کا کہنا ہے کہ آبادی میں اضافے سمیت موسمیاتی تبدیلی اور دیگر مسائل کا حل ضروری ہے۔نویں انٹرنیشنل جوڈیشل کانفرنس کے اختتامی سیشن سے خطاب میں چیف جسٹس نے کہا کہ خواتین کو ایگزیکٹیو، مقننہ اور عدلیہ کی فیصلہ سازی میں شامل کرنا ضروری ہے۔عمر عطا بندیال کا یہ بھی کہنا تھا کہ خواتین پر تشدد کے واقعات کی فوری طور پر روک تھام کرنا ہو گی۔چیف جسٹس پاکستان نے کہا کہ عدلیہ ملک کو سب کے لیے یکساں بنانے کی کوشش کر رہی ہے، عوام اور اداروں کی جانب سے آئین کے احترام سے ہی ملک آگے بڑھ سکتا ہے۔