اسلام آباد(نیشنل ٹائمز)وزیراعظم شہبازشریف کی اقوام متحدہ کے سیکرٹری جنرل انتونیو گوتریس سے نیویارک میں ملاقات ہوئی ہے۔وزیراعظم نے اقوام متحدہ کے سیکرٹری جنرل کے سامنے مسئلہ کشمیر اٹھادیا ،ملاقات میں شہباز شریف نے مقبوضہ کشمیرمیں انسانی حقوق کی ابترصورتحال کا ذکرکیا اور توقع ظاہر کی کہ انتونیوگوتریس اقوام متحدہ کی قراردادوں کے مطابق مسئلے کا پرامن حل نکالنے کے لیے اقدام کریں گے۔وزیر اعظم نے سیلاب زدہ علاقوں کا دورہ کرنے اور متاثرین کیلئے آواز اٹھانے پر بھی اقوام متحدہ کے سیکرٹری جنرل کو خراج تحسین پیش کیا۔دوسری جانب انتونیو گوتریس نے پاکستان کے لیے عالمی سطح پر ہر ممکن مدد کی کوششوں کے عزم کا اظہار کیا۔اس کے علاوہ وزیراعظم نے مائیکرو سافٹ کے بانی بل گیٹس سے بھی ملاقات کی۔بل گیٹس نے پاکستان میں سیلاب کی صورتحال پر گہری تشویش کا اظہار کیا جبکہ وزیراعظم نے ملک سے پولیو کے خاتمے کے عزم کا اعادہ کیا۔
