اسلام آباد(نیشنل ٹائمز): تحریک انصاف کے رہنما اسد عمر نے ممنوعہ فارن فنڈنگ کیس کے الیکشن کمیشن کے فیصلے پر ردعمل کا اظہار کیا ہےٹوئٹر پر جاری بیان میں اسد عمر نے لکھا کہ شوق پورا کر لیا الیکشن کمیشن نے ممنوعہ فنڈنگ کیس پر فیصلہ سنا کر، اب قوم جواب مانگتی ہے کے مسلم لیگ (ن) اور پیپلز پارٹی کی فنڈنگ رپورٹ کیوں نہیں جاری ہو رہی؟انہوں نے کہا کہ سپریم کورٹ اور ہائیکورٹ کی ہدایت کو پامال کرکے الیکشن کمیشن پی ڈی ایم جماعتوں کو پناہ دے رہی ہے۔دوسری جانب سابق گورنر سندھ عمران اسماعیل نے اپنے بیان میں الیکشن کمیشن کے فیصلے کو اتحادی جماعتوں کی شکست قرار دیا۔ عمران اسماعیل نے اپنی ٹوئٹ میں لکھا کہ پی ڈیم ای کو آج پھر شکست کا سامنا ہوا، پی ڈی ایم نےاپنے ذیلی ادارےکو عمران خان کے خلاف استعمال کرناچاہا مگراس غبارے سے بھی ہوا نکل گئی۔پی ٹی آئی پر غیر ملکی ممنوعہ فنڈنگ ثابت ہو گئی، عمران خان کا بیان حلفی جھوٹا ہے: الیکشن کمیشنپی ٹی آئی رہنما کا کہنا تھا کہ اب قوم اسامہ بن لادن، بانی متحدہ، بھارت اور دیگر جگہ سے فنڈنگ لینے والوں کے حساب کاانتظارکررہی ہے، الیکشن کمیشن نے عدالتی حکم کو نظراندازکرکے جانبداری کا ثبوت دیا۔