سلام آباد (نیشنل ٹائمز)سابق وزیراعظم عمران خان نے وزارت عظمیٰ سے فارغ ہونے کے بعد اپنے پہلے جلسے کا اعلان کردیا۔سابق وزریر اعظم عمران خان نے ٹوئٹر پر بیان جاری کرتے ہوئے اعلان کیا کہ بدھ کو نمازِ عشاء کے بعد میں پشاور میں ایک اجتماعِ عام سےخطاب کروں گا جو بیرونی اشاروں پر حکومت کی تبدیلی کے نتیجے میں ہٹائے جانے کے بعد میرا پہلا جلسہ ہوگا۔انہوں نے کہا کہ ‘ میں چاہتا ہوں کہ ہمارے سب لوگ بھرپور طریقے سے اس اجتماع میں شریک ہوں کیونکہ پاکستان غیرملکی طاقتوں کی ایک کٹھ پتلی کےطور پر نہیں بلکہ ایک آزاد اور خود مختار ریاست کے طور پر معرضِ وجود میں لایا گیا’۔عمران خان نے مزید کہا کہ ‘ہم فوری انتخابات کا مطالبہ کررہے ہیں کیونکہ آگے بڑھنے کا واحد راستہ یہی ہے کہ آزادانہ اور منصفانہ انتخابات کے ذریعے عوام کو فیصلے کا موقع دیا جائے کہ وہ کسے اپنا وزیراعظم منتخب کرنا چاہتے ہیں’۔