بیجنگ(شِنہوا)چینی صدر شی جن پھنگ نے بشار الاسد کو شام کے صدر کے منصب پر دوبارہ منتخب ہونے پر مبارکبادکا پیغام بھیجا ہے ۔صدر شی نے اپنے پیغام میں واضح کیا ہے کہ چین اور شام روایتی دوستی سے استفادہ کررہے ہیں اور شام ان اولین عرب ملکوں میں سے ایک ہے جس نے عوامی جمہوریہ چین کے ساتھ سفارتی تعلقات قائم کیے ۔انہوں نے کہا کہ وہ چین شام تعلقات کے فروغ کو بہت اہمیت دیتے ہیں اور اس سال دو طرفہ سفارتی تعلقات کی 65 ویں سالگرہ منانے کے موقع سے فائدہ اٹھاتے ہوئے اسد کے ساتھ مل کر کام کرنے کے لئے تیار ہیں تاکہ چین اورشام کے تعلقات کو بڑی کامیابیوں سے ہمکنار کرنیکے لئے جدوجہد کی جائے ۔انہوں نے مزید کہا کہ چین، شام کی اپنی قومی خودمختاری ، آزادی اور علاقائی سالمیت کے تحفظ میں بھر پور حمایت کرتا ہے اور اپنی استعداد کے مطابق شام کو نوول کرونا وائرس عالمی وبا سے نمٹنے ، معیشت کے احیائے نو اورعوام کی فلاح و بہبود میں زیادہ سے زیادہ مدد فراہم کرے گا ، تاکہ چین اور شام کے تعاون کو مستقل طور پر نئی بلندیوں پر استوار کیا جاسکے۔