رباط(شِنہوا)مراکش میں منگل تک نوول کروناوائرس کی80لاکھ11ہزار14پہلی خوراکیں لگائی جاچکی ہیں۔مراکش کی وزارت صحت نے ایک بیان میں کہاہے کہ2خوراکیں لگوانے والے لوگوں کی تعداد49لاکھ47ہزار483تک پہنچ گئی ہے۔شمالی افریقی ملک نے چین کی سائنوفارم ویکسینزکی پہلی کھیپ کی آمدکے بعد28جنوری کوملک بھر میں ویکسی نیشن کی مہم شروع کی تھی۔بیان میں کہاگیاہے کہ مراکش میں گزشتہ24گھنٹوں کے دوران 310نئے کیسز کے اندراج کے بعد نوول کروناوائرس کے متاثرین کی تعداد5لاکھ17ہزار423تک بڑھ گئی ہے اورصحت یاب ہونے والوں کی تعداد276کے اضافہ سے 5لاکھ5ہزار668ہوگئی ہے۔اس میں کہاگیاہے کہ مراکش میں گزشتہ24گھنٹوں کے دوران3مزیدہلاکتیں شامل کرنے کے بعدکل ہلاکتوں کی تعداد 9ہزار129 ہوگئی ہے جبکہ173افراد انتہائی نگہداشت یونٹ میں ہیں۔