اسلام آباد(نیشنل ٹائمز)صدر پاکستان ڈاکٹرمحمد عارف علوی کا مولانا محمد حنیف جالندھری کو فون,صدر پاکستان نے کہا کہ علماء کرام کرونا ایس اوپیز کے حوالے سے عوام میں شعورو آگہی کے لیے کردار ادا کریں،انہوں نے کہا کہ منبر ومحراب کا معاشرے میں سب سے موثر کردار ہے اور عوام الناس منںر ومحراب سے کہی گئی بات کو اہمیت دیتے ہیں اس لیے علماء کرام خطبات اور دروس میں لوگوں کی رہنمائی کریں،صدر پاکستان نے کہا کہ ہم جتنا زیادہ منظم اور محتاط ہوں گے اسی قدر کرونا کی تباہ کاریوں سےبچنا ممکن ہوگا-صدر پاکستان نے کروناکی پہلی اور دوسری لہر کے دوران علماء کرام کے تعاون پر شکریہ ادا کیا-صدرپاکستان سے ٹیلی فونک گفتگو کے دوران مولانا محمد حنیف جالندھری نے کہا کہ کرونا کے اثرات سے مخلوق خدا کو زیادہ سے زیادہ محفوظ رکھنے کے لیے پہلے کی طرح علماء کرام اپنا بھرپور کردار ادا کر رہے ہیں,انہوں نے صدر پاکستان کو آگاہ کیا کہ وفاق المدارس العربیہ پاکستان کی طرف سے پہلے ہی ایس او پیزپر مشتمل ہدایت نامہ جاری کیا جا چکا ہے, مولانا جالندھری نے زور دے کر کہا کہ صدر مملکت اور حکومتی ذمہ دوران لوگوں کو رجوع الی اللہ اور توبہ واستغفار کی طرف متوجہ کریں کیونکہ حالات اللہ کی طرف سے ہی آتے ہیں اور اللہ ہی حالات بدلیں گے-ان شاءاللہ