بیجنگ (شِنہوا)کورونا وائرس کی وبا کی دوسری لہر سے شدید طور سے متاثرہ ایشیا میں اپنے اہم اتحادی بھارت کی بروقت مدد نہ کرنے پر امریکہ کے خلاف غم وغصہ پایا جاتا ہے۔امریکی اخبار واشنگٹن پوسٹ نیبھارت کے لئے امریکی امداد کے حوالے سے کہا کہ پہلے ہی ، بہت سے لوگ سوال کررہے ہیں کہ کیا یہ تھوڑی دیر ہے، یا بہت دیر ہو چکی ہے” اخبار کے مطابق پیر کے روز امریکی صدر جو بائیڈن نے بھارتی وزیر اعظم نریندرا مودی کو بتایا کہ امریکہ آکسیجن سے متعلقہ سامان ، ویکسین مواد اور علاج معالجے کی امداد فراہم کرے گا۔واشنگٹن پوسٹ کا کہنا ہے کہ بھارتی عوام نے سوشل میڈیا پر ویکسین کی تیاری کے لئے ضروری مواد اور زندگی بچانے والی ضروری اشیا جیسے آکسیجن کی فراہمی کے لئے درکار سامان کی قلت کے بارے میں تفصیل سے آگاہ کیا ہے اور یہ کہ چین نے اپنے پڑوسی ملک کو مدد کی پیش کش کی ہے۔