راولپنڈی (نیشنل ٹائمز )نیب راولپنڈی نے شوگر سکینڈل میں تحقیقات کیلئے ایک اور صوبائی وزیر کو چار مئی کو طلب کر لیاہے ۔تفصیلات کے مطابق نیب راولپنڈی نے صوبائی وزیر آبپاشی محسن لغاری کو چار مئی کو طلب کر لیاہے ، نیب کی مشترکہ تحقیقاتی ٹیم محسن لغاری سے تفتیش کرے گی جبکہ محسن لغاری کو 2018-19 میں شوگر پر سبسڈی کا ریکار ڈ بھی ہمراہ لانے کی ہدایت کر دی ہے ۔یاد رہے کہ اس سے قبل نیب راولپنڈی نے چار مئی کو صوبائی وزیر خوراک سمیع اللہ اور صوبائی وزیر برائے صنعت و تجارت اسلم اقبال کو بھی ریکارڈ کے ہمرا ہ طلب کر رکھا ہے ۔