بیجنگ (شِنہوا) چین کی بڑی صنعتی کمپنیوں کے منافع میں رواں سال کے پہلے دو ماہ میں تیزی سے اضافہ دیکھنے میں آیا کیونکہ معیشت کوویڈ- 19کی پیدا کردہ مشکلات سے مستحکم طور سے باہر نکل رہی ہے۔قومی ادارہ برائے شماریات (این بی ایس) کے اعدادوشمارکے مطابق جنوری-فروری کے دوران کم سے کم 2کروڑ یوآن (تقریباً30لاکھ 60ہزار امریکی ڈالر) کے سالانہ کاروباری حجم کی حامل صنعتی کمپنیوں کا مشترکہ منافع گزشتہ سال کے مقابلے میں 179 فیصد اضافےکے ساتھ 11کھرب10ارب یوآن رہا۔2019 کے پہلے دو ماہ کے مقابلے میں منافع میں 72.1 فیصد کا اضافہ ہوا۔این بی ایس کے اعداد و شمار کے مطابق پچھلے دو سالوں میں اوسط شرح نمو 31.2 فیصد رہی۔این بی ایس کے سینئرماہرشماریات ژو ہانگ کا کہنا ہے کہ ملک اور بیرون ملک طلب میں اضافے اورچین کے نئے قمری سال کی تعطیلات کے دوران کارکنوں کے گھروں کو واپس نہ جانے کی وجہ سے پیداواری دورانیہ میں اضافے کی وجہ سے کمپنیوں کے منافع میں اضافہ ہوا۔