بیجنگ (شِنہوا) چین کی ڈرگ اتھارٹی نے ملکی کمپنی کین سائنو بائیولوجیکس کے اشتراک سے تیار کردہ سانس کے ذ ریعے استعمال ہو نے والی نوول کرونا وائرس ویکسین کے طبی تجربات کی منظوری دے دی ہے ۔
ایجنسی فرانس پریس (اے ایف پی) نے رپورٹ کیا ہے کہ فارماسیوٹیکل فرم کی جانب سے ہانگ کانگ اسٹاک ایکسچینج میں کئے گئے اندراج میں کہا گیا ہے کہ قومی انتظامیہ برائے طبی مصنوعات (این ایم پی اے) نے پیر کے روز کین سائنو اور بیجنگ انسٹی ٹیوٹ برائے بائیو ٹیکنالوجی کے اشتراک سے تیار کردہ ویکسین کے طبی ٹرائل کے قابل استعمال ہونے کی منظوری دے دی ہے ۔فرم کا کہنا ہے کہ سانس کے ذریعے استعمال ہونے والی ویکسین کی حفاظت اور افادیت تاحال تصدیق کی منتظر ہے۔قومی انتظامیہ برائے طبی مصنوعات نے گزشتہ ماہ کین سائنو کی تیار کردہ نوول کرونا وائرس کے نئے اتصال سے تشکیل پا نے والی ایک ویکسین کی مشروط منظوری دی تھی ، جو نوول کرونا وائرس کے لئے پہلی منظور شدہ اڈینووائرل ویکٹر ویکسین بن گئی تھی۔قومی صحت کمیشن نے جمعرات کو بتایا کہ چین میں بدھ تک 8کروڑ 58لاکھ 50ہزارسے زیادہ نوول کرونا وائرس ویکسین کی خوراکیں لگائی گئیں۔