اسلام آباد(نیوز ڈیسک )پاکستان میں فیس بک نے تین منصوبے شروع کرنے کی خواہش کا اظہار کردیا ۔ فیس بک انتظامیہ سے پاکستان میں مونیٹائزیشن کھولنے کی درخواست جبکہ دفاتر بنانے پر مثبت پیش رفت ہوئی ہے ۔ تفصیلات کے مطابق صوبائی وزیرآئی ٹی ضیا اللہ بنگش نے فیس بک انتظامیہ سے رابطے کی تصدیق کی ہے ۔ ان کا کہنا تھا کہ فیس بک انتظامیہ سے مثبت بات چیت ہوئی ہے ۔ ذرائع کے مطابق فیس بک سمیت بڑی سوشل میڈیا کمپنیوں کے دفاتر پاکستان میں بنانے کے لئے کوششیں کی جارہی ہیں ۔ اس سلسلے میں پاکستانی حکام نے فیس بک انتظامیہ سے رابطہ کیا ۔ پاکستانی حکام نے فیس بک انتظامیہ سے پاکستان میں مونیٹائزیشن کھولنے کی درخواست کی ہے جس پر فیس بک انتظامیہ نے اس بارے غور کرنے اور جلد مثبت نتائج کی امید ظاہر کی ہے ۔ صوبائی وزیرآئی ٹی ضیااللہ بنگش نے کہا کہ فیس بک سےبات چیت میں مثبت پیش رفت ہوئی ہے اور قانون سازی سےمتعلق معاملات حل کرنےپراتفاق ہوا۔ضیااللہ بنگش کا کہنا تھا کہ اسدقیصرسے ملاقات کرکے قانون سازی کا فیصلہ کیا ہے، اس سلسلے میں فیس بک انتظامیہ ، پی ٹی اے اور آئی ٹی ماہرین کا اجلاس بھی بلالیا گیا ہے۔صوبائی وزیر نے مزید کہا یوٹیوب کی طرح فیس بک کی بھی پاکستان میں مونیٹائزیشن چاہتے ہیں، سوشل میڈیا کمپنیوں کو پاکستان میں دفاتر قائم کرنے کی پیشکش کی ہے۔ان کا کہنا تھا کہ فیس بک پاکستان میں 3 منصوبے شروع کرنے جارہا ہے، بہت جلد کام کاآغاز ہوگا، دفاتربھی قائم کیے جائیں گے۔