اسلام آباد(نیوز ڈیسک )امریکی ریاست کولوراڈو کی سپرمارکیٹ میں فائرنگ کرنیوالے مشتبہ شخص پر 10 افراد کے قتل کے الزامات عائد کردیئے گئے۔خبر ایجنسی کے مطابق 21 برس کے حملہ آور کی شناخت احمد علیسا کے نام سے کی گئی۔ ملزم کو بولڈر کاؤنٹی کی جیل منتقل کردیا گیا۔ فائرنگ کا مقصد تاحال ظاہر نہیں کیا گیا۔واضح رہے کہ گزشتہ روز فائرنگ کا یہ واقعہ ایک سپر مارکیٹ میں پیش آیا تھا۔ پولیس کا کہنا تھا کہ فائرنگ کنگ سپرمارکیٹ میں ہوئی جس میں اے آر پندرہ رائفل استعمال کی گئی تھی۔