اسلام آباد (نیشنل ٹائمز) پاکستان پیپلزپارٹی پارلیمنٹیرینز کی مرکزی ترجمان و ایم این اے شازیہ عطا مری نے کہا ہے کہ پی ٹی آئی حکومت نے ظلم کی انتھا کردی ہے۔ اپنے جاری کردہ بیان میں شازیہ عطا مری کا کہنا تھا کہ آج پی ٹی آئی کے وزراء بے شرمی اور بڑی ڈھٹائی سے بجلی اور تیل مزید مہنگا کرنے کا اعلان کر رہے ہیں۔ انہوں نے کہا کہ ایک طرف مزید ٹیکس لگانے کے اعلانات کیئے جا رہے ہیں، لیکن دوسری طرف لوگوں کی تنخواہوں میں کوئی اضافہ نہیں کیا جارہا۔ انہوں نے مزید کہا کہ موجودہ حکومت کی مہنگائی نے لوگوں کی کمر ویسے ہی توڑ دی ہے۔ رکن قومی اسمبلی شازیہ مری کا کہنا تھا کہ وفاقی وزیرِخزانہ نے تیل مزید 30 روپے بڑھانے کا ظالمانہ اعلان کیا ہے۔ اس بےبس اور ظالم حکومت سے عوام تنگ آچُکے ہیں۔ یہ سلیکٹڈ لوگ عوام کا قلاقمہ کرنے پر تُلے ہوئے ہیں۔ عمران نیازی نے وریرِاعظم بننے کے شوق میں عوام کو کچل کے رکھ دیا ہے۔ شازیہ مری نے مزید کہا کہ اب لوگوں قوتِ برداشت بھی ختم ہو چکی ہے۔