اسلام آباد(نیشنل ٹائمز)متحدہ قومی موومنٹ پاکستان نے پارلیمنٹ کے مشترکہ اجلاس میں حکومت کی حمایت کا فیصلہ کیا ہے۔وفاقی وزیر برائے انفارمیشن ٹیکنالوجی امین الحق نے کہا کہ ایم کیو ایم پارلیمنٹ کے مشترکہ اجلاس میں قانون سازی پر حکومت کی حمایت کرے گی اور یہ فیصلہ رابطہ کمیٹی سے مشاورت کے بعد کیا گیا۔وفاقی وزیر نے کہا کہ ایم کیوایم کو ای وی ایم پر کل وزارت سائنس وٹیکنالوجی اور وزیراعظم نے بریفنگ دی، ای وی ایم کے بل سمیت دیگر پر ایم کیو ایم حکومت کی حمایت کرے گی۔انہوں نے مزید کہا کہ ہمارے مطالبے پرحیدرآباد یونیورسٹی اورمردم شماری بل بھی مشترکہ اجلاس میں پیش ہوگا۔