لاہور(نیشنل ٹائمز)لاہور کے حلقہ این اے 133 میں ضمنی الیکشن کے لیے 11 امیدواروں کو انتخابی نشان الاٹ کردیے گئے۔الیکشن کمیشن کی فہرست کے مطابق مسلم لیگ (ن) کی شائستہ پرویز کو شیر اور پیپلزپارٹی کے اسلم گل کو تیر کا نشان الاٹ کیا گیا ہے۔فرسٹ ڈیموکریٹک فرنٹ کی غلام فاطمہ گیلانی کو گھنٹی، تحریک اصلاحات پاکستان کے عبد العزیز کو پگڑی اور 7 آزاد امیدواروں کو بھی دیگر انتخابی نشان الاٹ کیے گئے۔این اے 133 سے پی ٹی آئی کے امیدوارجمشید اقبال چیمہ کےکاغذات نامزدگی مسترد ہوگئے تھے اور انہوں نے فیصلے کے خلاف ہائیکورٹ سے رجوع کر رکھاہے۔