لاہور(نیشنل ٹائمز)لاہور میں سموگ کے تدارک کیلئے واسا لاہور کی سائیکلنگ جاری ہے۔ایم ڈی واسا نے اعلان کیا ہے کہ اسموگ کے پیش نظر تمام اسٹاف ہفتے میں ایک دن سائیکل پر دفتر آئینگے، جس کے بعد واسا ملازمین حسب روایت اس ہفتے بھی سائیکل پر دفتر پہنچے۔واسا شہر میں سموگ کے اثرات میں کمی کیلئے متعدد اقدامات کر رہا ہے، سموگ کی بگڑتی صورت حال کے پیش نظر 15 اکتوبر سے ہیوی مشنری کے استعمال کو بھی محدود کر دیا گیا ہے۔واضح رہے کہ ڈی ایم ڈی آپریشن غفران احمد سمیت واسا کے دیگر افسران بھی سائیکل پر دفتر پہنچے۔