اسلام آباد(نیشنل ٹائمز) پاکستان پیپلز پارٹی کی مرکزی اطلاعات سیکریٹری و رکن قومی اسمبلی شازیہ عطا مری نے پیپلزپارٹی رہنما قائم علی شاہ کا نام ای سی ایل میں رکھنے پر اپنے ردعمل میں کہا ہے کہ سابق وزیر اعلیٰ سید قائم علی شاہ کا نام ای سی ایل پر رکھنا شرمناک عمل ہے اور اسکی پر زور مذمت کرتے ہیں۔ انہوں نے کہا کہ سید قائم علی شاہ بزرگ اور سینیئر سیاستدان اور قابل احترام شخصیت ہیں اور نااہل عمران خان مشکلات میں ہوں تو نیب تڑپ اٹھتا ہے جبکہ عمران خان کے گھبرانے کا وقت آ چکا ہے اور انہیں نیب کی وارداتیں بھی کام نہیں آئیں گی۔ انہوں نے کہا کہا اب وقت آ رہا ہے ہر کسی کو اپنے کیئے کا حساب دینا ہو گا۔