اسلام آ باد(نیوز ڈیسک) مسلح افراد نے نائیجر کے جنوب مغربی علاقے میں قریبی گاؤں سے گزرنے والے ایک قافلے پر حملہ کردیا جس کے نتیجے میں 58 افراد ہلاک ہوگئے۔ قافلہ مارکیٹ سے واپس آرہا تھا جس پر گھات لگائے افراد نے حملہ کیا اور فائرنگ کرکے قافلے میں شامل افراد کو ہلاک کردیا۔عرب میڈیا کے مطابق جنوب مغربی نائیجر کے جس علاقے میں قافلے پر حملہ کیا گیا وہ مالی اور مغربی افریقا کے ملک برکینا فاسو کی سرحد کے قریب واقع ہے۔حکومتی ترجمان نے واقعے کی تصدیق کرتے ہوئے اس پر تین روزہ سوگ کا اعلان کیا ہے۔