اسلام آباد(نیوز ڈیسک) امریکا کے شہر سان ڈیاگو میں ایک شخص نے فٹ پاتھ پر گاڑی چڑھا دی۔ واقعے میں 3 افراد ہلاک اور 6 زخمی ہو گئے۔خبر ایجنسی کے مطابق 71 سال کے ڈرائیور کو حراست میں لے لیا گیا، ڈرائیور سے تفتیش کی جارہی ہے۔ریسکیو حکام کا کہنا ہے کہ حادثے کے وقت تینوں افراد موقعے پر ہلاک ہو گئے تھے، جبکہ زخمی ہونے والوں کو طبی امداد کے لیے اسپتال منتقل کردیا ہے جن میں سے 2 کی حالت تشویشناک ہے۔پولیس کے مطابق 71 سالہ شخص حادثے کے بعد رکا اور زخمیوں کی مدد کی کوشش کی، اپنی شناخت بھی کرائی۔