کراچی (نیوز ڈیسک) سٹاک ایکس چینج میں تیزی کا رجحان، 637 پوائنٹس کا اضافہ دیکھا گیا۔کاروباری ہفتے کے پہلے روز سٹاک مارکیٹ میں ٹریڈنگ کے دوران تیزی رہی، 100 انڈیکس 637 پوائنٹس اضافے کے بعد 44 ہزار 425 پوائنٹس کی سطح پرپہنچ گیا۔واضح رہے کہ ملک میں سیاسی استحکام کے سبب سرمایہ کاروں کے اعتماد میں اضافہ ہوا ہے جس کے بعد سٹاک مارکیٹ میں انویسٹمنٹ میں بہتری آئی۔ گزشتہ ہفتے سینیٹ الیکشن کے دوران ملکی سیاست بے یقینی کی صورتحال سے دوچار تھی، مسلسل چار روز زبردست مندی میں جانے والی پاکستان سٹاک مارکیٹ میں کاروباری ہفتے کے آخری روز زبردست تیزی کی واپسی ہوئی، 100 انڈیکس 1008.32 پوائنٹس بڑھ گیا۔معاشی ماہرین کا کہنا ہے کہ ملک کو مسلسل نویں مہینے ریکارڈ ترسیلات زر موصول ہونے کی خبروں نے بھی پاکستان سٹاک مارکیٹ پر مثبت اثرات مرتب کئے ہیں۔