اسلام آباد(نیوز ڈیسک)ادارہ شماریات نے مہنگائی پر ہفتہ وار اعداد و شمار جاری کردیے ہیں, ایک ہفتے کے دوران انڈے 16 روپے 38 پیسے فی درجن مہنگے ہوئے، چینی کی اوسط فی کلو قیمت میں ایک روپے 68 پیسے اضافہ ہوا، تازہ دودھ دہی، گھی سمیت 26 اشیاء ضروریہ مہنگی ہوئی،7 اشیاء کی قیمتوں میں کمی اور 18 میں استحکام رہا، ہفتہ وار مہنگائی کی شرح 13.48 فیصد رہی۔ادارہ شماریات کے مطابق ملک میں حالیہ ہفتے چینی کی اوسط فی کلو قیمت 98 روپے 36 روپے پر پہنچ گئی جبکہ ٹماٹر کی فی کلو قیمت میں 2 روپے 6 پیسے اضافہ ہوا۔ایک ہفتے کے دوران آلو کی فی کلو قیمت 89 پیسے بڑھ گئی، تازہ دودھ ایک روپے 45 پیسے، دہی ایک روپے 37 پیسے فی کلو اور آٹے کا 20 کلو کا تھیلا 9 روپے 76 پیسے مہنگا ہوا۔ ادارہ شماریات کی رپورٹ کے مطابق دال ماش کی فی کلو قیمت میں 2 روپے جبکہ دال چنا 74 پیسے فی کلو مہنگی ہوئی۔ادارہ شماریات کے مطابق حالیہ ہفتے مہنگائی کی شرح میں 0.57 فیصد کمی ہوئی جس کی بڑی وجہ لہسن 15روپے 12 پیسے فی کلو سستا ہوا۔ایک ہفتے کے دوران چکن کی فی کلو قیمت میں 7 روپے 81 پیسے کمی آئی جبکہ ایل پی جی کا گھریلو سلنڈر 31 روپے 29 پیسے سستا ہوا۔