نئی دہلی(نیشنل ٹائمز)بھارتی ارب پتی کاروباری شخصیت کی دولت میں گذشتہ جمعہ کو تین ارب ستر کروڑ ڈالر کا اضافہ ریکارڈ کیا گیا۔ امبانی نے شفاف توانائی کے اہداف میں اضافہ کیا جس پر ان کی فلیک شپ کمپنی کے حصص میں ایک ہی دن میں غیر معمولی اضافہ ریکارڈ کیا گیا۔ میڈیارپورٹس کے مطابق ایشیا کے امیر ترین شخص موکیش امبانی کی دولت اب 92.6 بلین ڈالر تک پہنچ گئی ہے۔ امبانی دولت کے اعتبار سے ارب پتی فرانکوئس بیٹنکورٹ مائرز آف لوریل کے قریب پہنچ گئے ہیں جن کی دولت 92.9 ارب ڈالر ہے۔ اب دونوں کے درمیانکم فرق رہ گیا ہے۔ توقع ہے کہ یہ دونوں جلد ہی 100 ارب ڈالر کے اثاثے رکھنے والے عالمی کھرب پتی کلب میں شامل ہوجائیں گے۔امبانی کی جست ریلائنس انڈسٹریز لمیٹڈ کے حصص میں اضافے کی وجہ سے ہوئی جب انہوں نے کہا کہ کمپنی جارحانہ طور پرسستی گرین ہائیڈروجن کی پیداوار جاری رکھے گی۔امبانی کی سلطنت کا ٹیلی کمیونیکیشن یونٹ اپنے کاروبار میں دھوم مچانے کے لیے بدنام ہے۔ ان کی کمپنی ہندوستانی مارکیٹ میں ایک اہم کھلاڑی بن گئی ہے اس نے فیس بک سمیت سرمایہ کاروں کے تعاون سے اپنے ڈیجیٹل آپریشنز پر پچیس ارب ڈالر کی سرمایہ کاری کی ہے۔اس سال امبانی نے کلین انرجی میں 10 ارب ڈالر کی سرمایہ کاری کے ایک غیر معمولی منصوبے کا افتتاح کیا تھا جو ہندوستان کی سب سے اہم کمپنی کے لیے ایک نیا مرکز ہے۔یہ پروگرام وزیر اعظم نریندر مودی کے موسمیاتی تبدیلی سے نمٹنے اور دنیا کے تیسرے بڑے تیل کے صارفین کی درآمدات کو کم کرنے کے عزائم کے مطابق ہے۔