ممبئی(نیوز ڈیسک) بالی وڈ اداکار شاہ رخ خان کا کہنا ہے کہ انڈسٹری میں کچھ لوگ ذاتی وجوہات کی بنا پر میری فلمیں پسند نہیں کرتے۔ میڈیا رپورٹ کے مطابق ایک انٹرویو میں بالی وڈ کنگ شاہ رخ خان کا کہنا تھا کہ جب لوگ میری فلمز پر تنقید کرتے ہیں تو مجھے بالکل برا نہیں لگتا لیکن اگر معاملات ذاتیات تک پہنچ جائیں تو یہ مجھے پسند نہیں، میں جانتا ہوں انڈسٹری میں ایسے 50 افراد ہیں جو ذاتی وجوہات کی بنا پر میری فلمیں پسند نہیں کرتے تاہم انڈسٹری سے باہر ایسے کروڑوں افراد ہیں جنہیں میری فلموں سے محبت ہے ۔واضح رہے کہ شاہ رخ خان 2018 میں فلم ‘زیرو’ میں اداکارہ کترینہ کیف اور انوشکا شرما کے ساتھ نظر آئے تھے جب کہ آج کل اداکار اپنی نئی فلم پٹھان کی شوٹنگ میں مصروف ہیں جو آئندہ سال ریلیز ہوگی۔واضح رہے کہ شاہ رخ خان جہاں فلم انڈسٹری میں اپنا منفرد مقام بنائے ہوئے ہیں وہیں ماڈلنگ کے شعبے میں بھی سج دھج دکھاتے نظر آتے ہیں۔