اسلام آباد(نیشنل ٹائمز)سیکرٹری جنرل پیپلزپارٹی سید نیر حسین بخاری نے وزیراعظم کے بیان پر شدیدردعمل دیدیا۔انہوں نے کہا کہ یو ٹرن ماسٹر عمران خان حکومت کو تین سالہ حکومتی ناکامیوں پر “شرمندگی و ندامت “کا اعتراف کرنا چاہئے ۔تین سال کی کارکردگی یہ ہے کہ حکمرانوں کے تمام منصوبے مافیاز کی سہولت کاری رہے ۔ وزیراعظم خاندانی چہتوں اور کابینہ ارکان نے بڑے میگا مالیاتی سیکنڈلز میں قومی خزانے کو کھربوں روپے کا نقصان پہنچایا ۔حکومتی سرپرستی میں ڈالر پٹرول آٹا چینی پٹرول کے مصنوعی بحران پیدا کرکے عوام کی جیبوں پر ڈالہ ڈالنے والے قانون سے گرفت سے آزاد ہیں ۔گڈ گورننس کا یہ حال رہا کہانسداد بدعنوانی کے دعویدار “امداد و سرپرست بدعنوانی” سرکار ہیں ۔حکومتی پارٹی اراکین رشوت بدعنوانی سو فی صد بڑھنے کا اعتراف کرتے ہیںانصاف یہ ہے کہ اعلی عدلیہ کے معزز ججوں کے خلاف ریفرنسزجگ ہنسائی کا باعث بنے ۔مالم جبہ ہیلی کاپٹر بی آر ٹی سیکنڈلز کے ملزمان نیب زدگان حکومتی چھتری کی پناہ میں ہیں ۔آزاد خود مختار انتخابات کےذمہ دار آئینی ادارہ الیکشن کمیشن کے اختیارات کم کرنے کی کوشش کی گئی ۔ڈی چوک میں گیس بجلی کے بل جلانے والے عوام الناس پر ہفتہ وار مہنگی بجلی گیس بم گراتے ہیں ۔ کشمیریوں کے سفیر بننے کے دعویداروں نے اسلام آباد سے کشمیر کا نام مٹایا ۔پارلیمنٹ پر بائر سے حملہ آور ہونے والے حکمرانوں نے پارلیمنٹ کو عضو معطل بنا کر رکھ دیا ہے ۔بین الاقوامی مالیاتی اداروں سے کڑی شرائط معائدات سے پارلیمنٹ کو بے خبر رکھا ہوا ہے ۔میڈیا کی پیداوار پی ٹی آئی سرکار کے تین برس کے اقتدار میں میڈیا ہاؤسز اور میڈیا پرسنز کو بدترین حالات کا سامنا ہے ۔نیشنل ایکشن پلان حکومتی سرد خانے میں پڑے رہنے سے دہشتگردانہ کاروائیوں میں اضافہ ہوا۔