نوشہرہ (نیشنل ٹائمز) اسلام آبا د ہائی کورٹ کے پہلے جج،سا بق چیف جسٹس فیڈرل شریعت کورٹ جسٹس ریاض احمد خان کورونا وباء سے لڑتے ہوئے زندگی کی بازی ہارگئے, وہ تین ہفتوں تک مختلف ہسپتالوں میں زیر علاج رہے ، رات گئے 69برس کی عمر میں خالق حقیقی سے جاملے ،مرحوم کو نو شہرہ کلاں کے آبائی قبرستان سپر دخاک کردیا گیا .ان کی نمازہ جنازہ میں اسلام آباد ہائی کورٹ کے چیف جسٹس اطہر من اللہ سمیت کئی ججز اعلی سول فوجی حکام وکلاء عمائدین نے کثیر تعداد میں شرکت کی ، انہوں نے دو بیوائیں تین بیٹے اور تین بیٹیاں سوگوار چھوڑ یں ، نوشہرہ کلاں میں سپر دخاک مرحوم کی فاتحہ خوانی کلب روڈ نوشہرہ کینٹ میں اداکی جارہی ہے ، مرحوم نے پسماندگان میں دو بیوائیں تین بیٹے اور تین بیٹیاں سوگوار چھوڑ ی ہیں۔جسٹس ریاض احمد خان نے پنجاب یونیورسٹی سے ایل ایل بی کی ڈگری حاصل کی۔انہوں نے 1977 میں سی ایس ایس کا امتحان پاس کیا اور چوتھی مشترکہ تربیت میں سول سروسز اکیڈمی لاہور میں شمولیت اختیار کی۔