اسلام آباد(نیشنل ٹائمز) پی آئی اے کی مزید دو خصوصی پروازیں کابل کیلئے روانہ ہوگئیں۔ پروازیں کابل میں پھنسےپاکستانیوں اور دیگر غیرملکیوں کو پاکستان لائیں گی۔ سی ای او پی آئی اے ائیر مارشل ارشد ملک عملے کی حوصلہ افزائی کیلئے خود پہلی پرواز کے ساتھ روانہ ہوئے۔سی ای او کابل ائیرپورٹ پر افغان سول ایوایشن اور نیٹو افواج کے حکام سے اہم ملاقاتیں کریں گے۔ سی ای او ائیر پورٹ پر نئی حکومت بننے کے بعد پاکستانی سفیر منصور خان کے ہمراہ انتظامی امور اور آپریشنز کا جائزہ بھی لیں گے۔ پہلی پرواز ائیربس 320 جبکہ دوسری بوئنگ 777 سے آپریٹ ہو گی۔پرواز کے بعد وزیر ہوابازی غلام سرور مزید پروازوں کی اجازت دیں گے۔وزیر ہوابازی کی ہدایات کے مطابق افغانستان کے دوسرے شہروں سے پروازیں چلانے کا کاجائزہ لیا جا رہا ہے۔