لاہور(نیشنل ٹائمز)پاکستان مسلم لیگ(ن)کی ترجمان مریم اورنگزیب نے کہا کہ عمران خان کی وجہ سے ہر رات پانچ کروڑ بچوں سمیت اور8کروڑ لوگ بھوکے سوتے ہیں ، ‘ وزیراعظم عمران خان کے بیان’’کوئی بھوکا نہیں سوئے گا‘‘ پر ردعمل کا اظہار کرتے ہوئے مریم اورنگزیب نے کہا کہ پورے پاکستان کو بھوکا کر کے کہتے ہیں کوئی بھوکا نہیں سوئے گا؟عمران خان کی وجہ سے ہر رات پانچ کروڑ بچوں سمیت اور8کروڑ لوگ بھوکے سوتے ہیں ،عمران صاحب آپ نے لنگر والے ٹرک کا نہیں ایک کروڑ نوکری اور پچاس لاکھ گھر کا وعدہ کیا تھا ،عمران صاحب عوام کو مہنگائی کی چکی میں پیس کرکہتے ہیں کہ کوئی بھوکا نہیں سوئے گا؟ مریم اورنگزیب نے کہا کہ مہنگائی 3 فیصد سے 17 فیصد پر پہنچا دی اور کہتے ہیں کہ کوئی بھوکا نہیں سوئے گا؟عمران صاحب آٹے میں ڈکیتی سے اے ٹی ایمز کے لئے سوا 200ارب اور غریب عوام کے لئے لنگر کا ٹرک؟عمران صاحب چینی میں ڈکیتی سے اے ٹی ایمز کے لئے 400ارب اور غریب عوام کے لئے لنگر کا ٹرک؟عمران صاحب ایل این جی میں ڈکیتی سے اے ٹی ایمز کے لئے 122ارب اور غریب عوام کے لئے لنگر کا ٹرک؟عمران صاحب دوائی میں ڈکیتی سے اے ٹی ایمز کے لئے 500ارب اور غریب عوام کے لئے لنگر کا ٹرک؟آٹا چینی کھانے پینے کی اشیامہنگی کرکے عوام کے سامنے اب نیا ڈرامہ کررہے ہیں؟بائیس کروڑ عوام کاحق دینے کے بجائے پندرہ سو کو روٹی کھلا کر اپنی تشہیر کا اس سے بھونڈا اورکوئی ہتھکنڈہ نہیں سوجھا کیا؟ دو کروڑ عوام غربت کی لکیر سے نیچے چلے گئے اور ایک ٹرک؟عمران صاحب آپ نے پچاس لاکھ لو گ بے روزگارکردئیے اور لنگر کا ایک ٹرک؟ انہو ں نے حکومت پر شدید تنقید کرتے ہوئے کہا کہ کارخانوں اور مزدوری سے روزگار کمانے والوں کو لنگر پر بٹھا دیا۔