راولپنڈی(نیشنل ٹائمز) راولپنڈی کے مقامی ہسپتال میں ڈاکٹر نے دوران ڈلیوری بچے کی گردن کاٹ دی‘لواحقین نے ہسپتال کے باہر احتجاجی مظاہرہ کیا‘واقعہ کی اطلاع ملتے ہی پولیس موقع پر پہنچ گئی ‘ تاہم لیڈی ڈاکٹر ہسپتال سے فرار ہونے میں کامیاب ہو گئی۔ تفصیلات کے مطابق خاتون ڈاکٹر نے پیدائش کے دوران کمسن بچے کی گردن کاٹ ڈالی۔متاثرہ حاملہ خاتون کو طبیعت کی ناسازی کی وجہ سے گزشتہ رات نجی ہسپتال منتقل کیا گیا۔ جہاں ڈاکٹر نائلہ نے دوران ڈلیوری کمسن بچے کی گردن ہی کاٹ ڈالی۔ ہسپتال انتظامیہ کی جانب سے متاثرہ خاندان پر قانونی کارروائی نہ کرنے کے لئے مبینہ طور پر دباؤ بھی ڈالا گیا۔متاثرہ شہری کی جانب سے تھانہ نیو ٹاؤن پولیس کوآگاہ کر دیا گیا۔ واقعہ کی اطلاع ملتے ہی پولیس موقع پر پہنچ گئی تاہم لیڈی ڈاکٹر ہسپتال سے فرار ہونے میں کامیاب ہوگئی،لواحقین نے ہسپتال کے باہر احتجاجی مظاہرہ بھی کیا۔