اسلام آباد(نیشنل ٹائمز)اسلام آباد میں مقیم امریکی شہری سنتھیا رچی پراسرار طور پر اپنے گھر میں بےہوش پائی گئیں۔ پولیس کے مطابق سنتھیارچی اپنےفلیٹ میں بےہوش پائی گئیں جنہیں اسپتال منتقل کردیا گیا ہے جہاں ان کا طبی معائنہ جاری ہے۔پولیس کے مطابق میڈیکل رپورٹ کے بعد مزید حقائق سامنےآئیں گے۔ اسپتال ذرائع کا کہنا ہے کہ سنتھیا رچی کو آئی سی یو میں منتقل کردیا گیا ہے۔ڈاکٹرز کا کہنا ہے کہ سنتھیارچی کو بےہوشی کی حالت میں لایا گیاتھا۔ذرائع کا کہنا ہے کہ سنتھیا رچی کو نشہ آور چیز دی گئی ہے، ان کا معدہ واش کردیا گیا ہے، معدےسے نکلنے والا مواد تجزیے کیلئے لیبارٹری بھجوادیا گیا ہے، رپورٹ آنے کا انتظار ہے۔خیال رہے کہ سنتھیا رچی نے سابق وزیراعظم یوسف رضا گیلانی سمیت پیپلز پارٹی کے اہم رہنماؤں پر دست درازی سمیت سنگین الزامات عائد کیے تھے۔