لاہور(نیشنل ٹائمز)وزیراعلیٰ پنجاب سردار عثمان بزدار نے کہا ہے کہ صوبے بھر میں یوم عاشور پر امن وامان کی فضاءیقینی بنانےکیلئےہرممکن اقدام کیاگیاہے،مجالس اور جلوسوں کی سیکیورٹی کیلئےچاردرجاتی حصاربنانے کیلئے ہدایات دی گئی ہیں،پنجاب حکومت نے عزاداروں کی سہولت اور سکیورٹی کیلئے بہترین اقدامات کئے ہیں ۔تفصیلات کے مطابق سردار عثمان بزدارکاکہناتھاکہ اتحاد،اتفاق اور مذہبی ہم آہنگی کا فروغ وقت کا تقاضا ہے،یوم عاشور پر وضع کردہ سکیورٹی پلان پر 100فیصد عملدرآمدیقینی بنایا جائے گا،کابینہ کمیٹی برائے امن وامان وضع کردہ پلان پر عملدرآمد کی باقاعدگی سے مانیٹرنگ جاری رکھے۔سردارعثمان بزدار نے کہا کہ مجالس اور جلوسوں کے اختتام پذیر ہونے تک پولیس فورس اور متعلقہ عملہ ڈیوٹی پر موجود رہیں،فرائض کی ادائیگی میں مصروف پولیس فورس اور دیگر عملے کیلئے کھانے پینے کے بہترین انتظامات ہونے چاہئیں،پنجاب حکومت نے رواں برس گزشتہ برسوں سے بڑھ کر سکیورٹی انتظامات کئے ہیں۔