اسلام آ باد (نیشنل ٹائمز ) اسلام آباد ہائی کورٹ نے وفاقی دارالحکومت کے تھانہ گولڑہ میں درج نازیبا ویڈیوبنانے، تشدد اور بلیک میلنگ کیس میں گرفتار شریک ملزم عمربلال مروت کی ضمانت بعدازگرفتاری منظور کرلی۔اسلام آباد ہائیکورٹ کے جسٹس طارق محمود جہانگیری نے تھانہ گولڑہ کی حدود میں لڑکے اور لڑکی کی نازیبا ویڈیو بنانے سے متعلق کیس میں نامزد ملزم بلال مروت کی ضمانت بعد از گرفتاری پر محفوظ شدہ فیصلہ سنایا۔سماعت کے دوران عدالت نے محفوظ فیصلہ سناتے ہوئے دس دس لاکھ روپے مالیت دو مچلکوں کے عوض ضمانت منظور کرنے کاحکم سنادیا یاد رہے کہ عدالت نے فریقین کے دلائل مکمل ہونے پر12اگست کو فیصلہ محفوظ کیا تھا اور کیس کے ملزمان جوڈیشل پر اڈیالہ جیل ہیں۔
اسلام آباد میں لڑکا لڑکی تشدد کیس میں شریک ملزم عمربلال مروت کی ضمانت بعدازگرفتاری منظور
