شمالی وزیرستان(نیشنل ٹائمز) سیکورٹی فورسز کے شمالی وزیرستان کے علاقے زنگو تئی میں کلیئرنس آپریشن کے دوران دو دہشت گرد مارے گئے ہیں جب کہ ایک افسر اور ایک جوان زخمی ہوا ہے۔پاک فوج کے شعبہ تعلقات عامہ (آئی ایس پی آر) کے مطابق کلیئرنس آپریشن علاقے میں دہشت گردوں کی موجودگی کی اطلاع پر کیا گیا جس میں سیکورٹی فورسز کے ساتھ فائرنگ کے تبادلے میں 2 دہشت گرد ہلاک ہوئے ہیں۔آئی ایس پی آر کے مطابق ہلاک دہشت گرد سیکورٹی فورسز پر حملوں اور آئی ای ڈی دھماکوں میں بھی ملوث تھے۔دہشت گردوں کے ساتھ ہونے والے فائرنگ کے تبادلے میں سیکورٹی فورسز کا ایک افسر اور ایک جوان زخمی ہوا ہے۔
سیکورٹی فورسز کا شمالی وزیرستان کے علاقے زنگو تئی میں کلیئرنس آپریشن ، دو دہشت گرد مارے گئے ، ایک افسر اور ایک جوان زخمی
