لاس اینجلس(شِنہوا)امریکہ کی مغربی ریاست کیلیفورنیا کی کانٹی کولوسا میں اتوار کی سہ پہر ہیلی کاپٹر گرنے سے 4افراد ہلاک ہوگئے۔کولوسا کانٹی میں شیرف کے دفتر نے جاری ایک بیان میں کہا کہ انہیں مقامی وقت کے مطابق دوپہر1بج کر15منٹ (پاکستانی وقت کے مطابق پیر کے روز رات 1بج کر 15منٹ)پر شاہراہ 45 سے ملحقہ سڑک پر ہیلی کا پٹر گرنے کی رپورٹ موصول ہوئی۔دفتر نے کہا کہ ردعمل دینے والے پہلے اہلکاروں نے پہنچنے کے بعد ہیلی کاپٹر پر 4مسافر سوار ہونے کا پتہ لگایا،موقع پر مسافروں کے ہلاک ہونے کی تصدیق ہوگئی۔دفتر نے کہا کہ تحقیقات جاری ہیں،جبکہ حادثہ کے عینی شاہدین سے پوچھ گچھ کی جا رہی ہے۔کولوسا کانٹی کیلیفورنیا کی مرکزی وادی میں واقع ہے جو کہ ریاست کے صدرمقام ساکرامینٹو سے تقریبا 100کلومیٹر شمال مغرب کی جانب واقع ہے۔